A GENESIO LAMBERTI

 

1.

Ue che sezis dados,

sognos de amore,

o penseris de gloria? Distruttos

sezis e calpestados

dae su giustu rancore

chi proat custu coro: sognos bruttos

mi turbant s'intellettu

e ispalghent velenu intro su pettu.

 

2.

Ah sognu vanu! Iscrittu

dae cando so nadu

in laras happo giuttu su dolore.

Infamia! Malaittu

siast, sognu incantadu,

cortigianu crudel'ingannadore.

T, sas giaes t'intrego,

friscio in coro sa janna, ti rinnego.

 

3.

O sognu armoniosu,

si t'happo malaittu

est prite ti detesto: non est faula.

E si grido ingannosu,

nara, has forzis dirittu

de protest'a sa perfida paraula?

No. T'happ'idu gentile,

per ses vile aduladore. Vile!

 

4.

E tue, vida penosa,

chi cun su fals'incantu

m'has lead'a su cor'ogni dulzura,

truncad'e una losa

abber'in campusantu,

e sutterra sa mia disaura.

Su vivre m'est ~duru

ti disprezz'e detest'a tie puru.

 

5.

Eo disprezzo tottu,

n happo pis imbidia

de su risu chi miro in car'anzena,

ca com'happo connottu

s'infamia, sa perfidia

de cust'isclavitudine terrena.

Ite cos'est sa vida?

Una rugh'ispinosa, incrudelida.

 

6.

Ite cos'est su mundu

in su cale vivimus,

privos de lughe, amor'e libertade?

Unu mar'est, profundu;

dae cando naschimus

bi navigamus. Cun felizidade?

No: pro chi palzat gai,

felizidade no nd'esistit mai.

 

7.

E sos abitadores

de sa terr'ite sune?

Terra: fangh'ischifosu, non sun terra.

Rettiles impostores,

tristos faccias de fune

sos frades a sos frades faghent gherra.

E in sa terr'intantu

aumentat s'infamia e' su piantu.

 

8.

Vivimus avvilidos

in custa tenebrosa

badd'ingrata de ahis e de ohis.

Sutta sos fioridos

campos sa velenosa

arza bomind'est su velen', e nois,

genia poveritta,

rettenimus su grid'e sa vinditta!

 

9. Ah perfida genia!

Prite ti lassas tingher

su cor'a luttu? Ischida e faghe prou.

O forzis villania

non ti paret su lingher

s'ispada tinta de sambene tou?

Su can'a orulare

s'halzat si non li dant a mandigare.

 

 

II.

10. E tue, senza pane,

istancu, famid'e nudu,

no halzas de disdign'una protesta!

Ses peus de su cane,

vile servis e mudu

linghes sa man'ingrata e faghes festa

a chie ti :deridet,

cando, pedinde, a manu tesa t'idet!

 

11. De su grassu sarau

chi sos riccos segnores

faghent a palas tuas, cun fastizos,

populu, ses isciau.

Fadigas e sudores

cunsacras pro capriccios e disizos

de cussa zente ischiva,

E tue famidu gridas : Viva! Evviva!.

 

12. Vivat chie su punzu

ponet in su siddadu

de su sambene tou pis ardente.

Su pane senz'aunzu,

si nd'has, avvelenadu

iu pappas, ca ses dannad'eternamente

a vivir'in s'ischeffa,

famidu, umiliad'e post'a beffa.

 

13. O populu famidu,

dae te cazz'addane

su pan'ispeli, scudel'a buleu.

Su codul'induridu

chi mandigas pro pane,

halzalu minaccios'in car'a Deu:

cun disdign'in s'ara

1'imbolas custa trista preghiera

 

 

III.

14. Gi ch'in altu Segnore

sedes, e de amore

astru sese, ti preg'una mirada

non neghes piedosa

a' custa tenebrosa

badde de te in tottu'ismentigada,

ue viv'opprimidu

da s'ora c'a su mundu so bennidu.

 

 15. Istancu de pedire

 su pane, pro vivire

comente so vivende in cuntierra,

pis non prego. Mira

de me su dolu, s'ira

tua pis funest'enzat in terra,

e in cuss'ira funesta

ischizz'a tantos rettiles sa testa.

 

16. Su fulmine fatale

imbola : universale

siat s'orrend'isfatta, faghe ruer

in s'abissu s'intera

ipotecad'isfera.

Turbines de chisin'e de piuer

subra de me iscude

su fangu pro me rettil'est salude.

 

17. S, turbines e lampos

sos fioridos campos

atterrent, sas funtanas cristallinas

diant a sos sididos

fele. Sos promittidos

de Patmo fumos caldos e chisinas

abbrevia, n sa pia

iscultes preghiera de Maria.

 

18. Si sa zelest'Isposa t

’invocat piedosa

su perdonu, non zedas. Bisonzosu

mi credes de perdonu?

Unu lampu, unu tronu

ti dimando, una fine: est dolorosu

su viver e patire.

Abbrevia ca est ora a la finire.

 

19.

Tue chi de Gomorra

t'appellant su severu

giuighe, cun terribile severa

ira custa camorra

feri, e si est veru

chi ses giustu, sa mia preghiera

isculta. Imbenujadu

t'adoro, si brujas tottu su creadu.

 

 

IV.

20.

Ma tue, populu, finghes

 de protestar'e times

de pedire su tou bilgonzosu.

A chie t'opprimet linghes,

e de islancios sublimes

ses incapaze, zegh'e sonnigosu,

si no si fit intesu

su gridu 'e vinditta 'e s'offesu.

 

21.

Cagliadi, dt sighire

s'infamia. Sa festa

faghes a chie de sa frust'est dignu.

Preferis su pedire

a una giusta protesta

chi podes imbolare cun disdignu.

Ti negana su pane,

e tue da' sa patri'andas addane!

 

22.

Deo cantone resto

e a s'infamia isfido

t'odio mundu, in te cosa no amo.

Ti ruspo, ti detesto.

Cun ischernu ti grido

marranu! S'in su dol'a tie giamo

inuman'e marranu,

non ti risentas, non lu nar'invanu.

 

23.

Est odiu implacabile

su ch'in su cor'azzesu

sento pro tene. Non ti pot'amare,

o mundu miserabile.

Custu cor'est offesu

dae te mortalmente, a t'odiare

tue m'has imparadu:

de me ses odiad'e rinnegadu.

 

24.

Ind'una zell'oscura,

pro non bider a tie

camminend'a su buju senz'istella,

sa triste sepoltura

pro seppellir'a mie

happ'elett', assumancus in sa zella

m'hat a esser cunzessu

cumpiangher a tie, mundu revessu.

 

25.

Inie happ'a ammentare

cuddos teneros annos

pienos de isperanzias e amore,

e cand'happ'abbassare

sa front'a sos affannos

chi m'hant fatt'odiosu, cun rancore,

mund'ingratu, su tou

risu falsu frastimo dae nou.

 

26.

Si benit un'angelicu

ispirit'a ispender

novellas de sa tua redenzione,

unu mefistofelicu

sorrisu dt surprender

in laras mias: Ritirarli, buffone,

1'happ'a narrer, su mundu

es tundu, ed est destinu, morit tundu.

 

27.

Ma si benit su clavu

chi ti dt Kiriella

nendemi c'a s'isfatta ti preparas,

1'happ'a rispunder : Bravu,

custa cara novella

isettaia. Cun su sarcasmu in laras,

dae cussa zella fora

mi fatto, e benz'a ti ruspir'ancora.

 

V.

Ecco chi finalmente s'agonia

m'happo sonadu. Fantasmas istranos

attraversant s'istanca fronte mia

coronada de tantos pilos canos.

 

Odio, puru bi penso a sos lontanos

sorrisos ~de sa patria natia.

Mi cumprimo su coro cun sas manos

tremulantes. S'oscura fantasia

 

s'infogat e riscaldat. Meditende

penso ch'in custa zella, san'e forte,

viv'istancu de viver, cun affannos.

 

So viv'e mortu : sempre delirende,

aborrinde sa vid'amo sa morte

e happ'appenas passadu sos vint'annos!

 

VI.

Eccomi seppellidu in brunu mantu,

m'has a sa losa, o mundu, reduidu.

Tu'has mentid'in vid'e has mentidu

da'enant'e sa foss'in campusantu.

 

Cun s'infame carezza de piantu

ipocritu, su visu s'est bestidu.

Sos vantos ch'in sa losa m'has tessidu

ti sunt servidos pro ti dare vantu.

 

Vivente m'has cattigadu e malaittu,

e confinadu m'has in cust'oscura

zella, de patimentos sa pastora.

 

Pustis mortu in sa losa m'has iscrittu:

  COSA BUONA MORTAL PASSA E NON DURA .

Mentid'has prim'e ses mentind'ancora.

 

                                                                                      

per contattarci: corofem@hotmail.com