A FRADE MEU

 

1.

Partidu ses a sos degheott'annos:

fis piseddu isbarbadu e bilgonzosu,

a vintunu ti bido a baffos mannos,

bruscu, omine fattu e geniosu.

Isco c'has isfidau sos affannos

e los has bintos chi ses virtuosu.

 

2.

Ses fentomadu fra bonas persones:

l'intendo deo su chi nt sa gente,

no nchend'had'unu chi nde nelza male:

De oro 1'hana postu sos gallones,

fulanu, a vintun'annu est gi sergente

si sighit gai benit caporale.

 

3.

Sas pizzinnas nde contan'un'ispantu,

non ti cuant s'insoro passione,

ti dana pro finas titulu de santu.

Senza rifletter a s'isquadrone

restana fulminadas de incantu

cando passas a toccu de isprone.

De lizu raru ti dana su vantu,

tottus ti giamant su simpaticone.

 

4.

Tra parentis, per, unu difettu

in sas virtudes tuas happo idu

ed est chi dae cando ses benidu

no has bettadu faeddu a derettu.

Has perdidu su tou dialettu,

de varios limbazzos ses cundidu.

Sos maccacos ti credent istruidu

ma tue has male mannu in s'intellettu.

 

5.

Ses a frastimos che unu marranu,

cando ds narrer ahi naras ohi,

duos faeddos non pones in liga

sempere ses parlende italianu

finzas a frade tou naras voi:

Sardos molentes, non capisci miga.

 

6.

Raccontende faulas ti pistas,

de su male chi faghes non t'abbizzas,

ns c'has isposas'a mizzas e mizzas

tottu contissas, per sunt modistas

e sartinas ignobiles e tristas

chi no ischin de chic sunu fizas;

forzis amore veru nde disizzas:

ecco tottu sas tuas conquistas.

 

7. 

A sos tontos los bogas dae s:

sigomente ses furbu aizzu aizzu

lis filas fune narende ch'est lana.

A unu l'has contadu chi su re

donzi sero in su pubblicu passizzu

ti regalat zigarros de avana.

 

8.

Ns ch'has tentu attaccos e duellos

fattu de certas damas paladinu

alzadu in fama de ispadaccinu.

Ns ch'has bocchidu battor colonnellos;

mi' ch'hant'a esser battor carradellos

chi has haer assuttadu de su binu,

prite dae minore in magasinu

vivias sos momentos pis bellos.

 

9.

A sos bovos lis mustras unu neu

e lis faghes a crre cun ingannos

ch'est ferida de daga furistera ;

sunt signos de una rutta, caru meu,

dae cando tenias treig'annos,

fruttu de una solenne imbreaghera.

 

10.

Gi chi t'happo in domo pro bisitta

a largos annos faghimus baracca:

oe non ti disturbat sa trumbitta.

Mandiga puru fiacca fiacca,

su brou no est cottu in sa marmitta,

sa petta no est caddu ma est bacca

mandiga ca dt esser isquisitta

prite l'hat coghinada sa teracca.

 

11.

Como ds'olvidare sa pagnotta,

in parte nessi si no totalmente;

mandiga ca sun tottus cosas sanas

ei sa tazza biedila totta

ca si torras de nou in Continente

non nd'agattas de similes funtanas.

 

12.

 

Ses sanu, nerborudu e forte:

sa patria difende, unica mama

chi has in terra donosa e gentile;

cumbatti, crepa, non timas sa morte,

mai a mie dt bennere sa fama

chi ses istadu unu soldadu vile.

 

                                                                                      

per contattarci: corofem@hotmail.com