A SIGNORINA S...

 

1.

Cumpatat, signorina,

pro esser purpurina

nelzat, da chi hat leadu sas tintas?

Non la miro pro amore,

ma miro cun dolore

in vost cussas bellas formas fintas,

e so firm'in su parre

chi su modde chi mustrat no est carre.

 

2.

In mancanza de pruppa

forsis s'hat post'istuppa

pro ammantare sas grinzas e fossos?

Seguru no nde seo,

ma la connosco, e creo

c'happet solu sa pedde cun sos ossos.

Cun sa sola camisa

zertu chi sa person'est pis lisa.

 

3.

Su chi non dt natura

a s'iscarna figura

bi lu procurat s'artifissiale.

Cun sas perlas anzenas

si connoschet appenas

ch'in cheja ch'est ruttu su portale.

Sa ucca non aperit,

si no sa perla falsa s'iscoberit.

 

4.

Cun pumas e fioccos,

mirende sos piccioccos

suspirat su dormidu matrimoniu!

Menzus penset ch'est fea,

deponzat cuss'idea

si no est ch'innamoret su dimoniu.

E lesset sa ilgonza,

ponzat giudissi'e sich'assentet monza.

 

                                                                                      

per contattarci: corofem@hotmail.com