1.
A cosa ses
torrada, poveritta!
Has in laras
funest'unu signale;
«adultera!»,
ti gridat un'iscritta
2.
foza de sa
corona nuziale,
sa virtude
ti gridat : « Faghe pasu,
cando ti
tentat respinghe su male».
3.
Tue, perversa, non rode faghes casu,
sas laras corallinas e' su sinu
nudu espones a s'infame basu.
4.
Inespert'has sighid'unu destinu
de fangh'e
infangad'a faccia manna,
has postu terras santas a camminu.
5.
Semper frundida t'ident in sa janna
inoperosa,
cunfort'e ruina
de sos
macaccos ch'isfozan sa canna.
6.
De mangara
t'has fatt'una cortina
a su pallidu
vis'attripunzidu,
pro
cumparrer sa carre purpurina.
7.
Dae cand'has lassadu su maridu
chi sa sorte t'hat dadu, cun dilettu,
nara, cantos amantes has rezzidu?
8.
Profanad'has
sa dom'ei su lettu
in su cale
legittim'un'isposu
ardentes basos t'hat depost'in pettu.
9.
Pro te non
vivet coro piedosu
chi ti
consizet : «Faghes mal'a tie
cun
s'operare tou iscandalosu».
10.
Pallida
t'hant a bider unu die,
suspirende,
cun lagrimas a chizu,
sa vida chi
ti colas de gosie.
11.
Si su
destinu ti dat unu fizu,
de chi est fruttu mai podes narrer,
pro c'hat
haer de medas s'assimbizu.
12.
Mischinedda!
It'est chi ti dént parrer
sos
ispasimos maccos d'una Frine
chi
disonesta ti faghent cumparrer?
13.
Su lumen'e'sa
manu d'un omine
has
azzettad'e a s'onore sou
e a su tou
signad'has sa fine.
14.
Bisonzu chi
nascheras dae nou
pro bi
durar'onestu su giudissiu,
in sa testa
c'has fragile che ou.
15.
Mischina!
Non t'abbizzas chi su vissiu
t'est
iscavend'in sa giovan'edade
un'orroros'e
feu prezipissiu?
16.
Da chi ses
rutt'in sa disonestade
su visu tou est che unu cartellu
chi a sos
passizzeris nąt : intrade.
17.
Su
signal'infamant'e su burdellu
t'hat in laras sa purpura distructu,
mancari bi
la passes a pinzellu.
18.
Ses
cal'un'arvuredda chi su fructu
isquisitu,
senza esser cumpridu,
dae su ram'a su fangu ch'est ructu.
19.
Pens'e
rifletti c'has unu maridu
chi pro te
fuit su consorzi 'umanu,
pensend'a tantos males, avvilidu.
20.
Fist che
giardin'in continu eranu ;
tott'induna
perņ proadu hasa
s'ira d'unu
terribil'uraganu.
21.
Fist bella,
ruja cale cariasa
com’abbrutida:
saperit sa losa
pro
seppellire sa petta carasa
22.
Sa
ucc'haiast che button' 'e rosa,
basada
solamente cun amore
da una mamma
bon'e amurosa.
23.
Ses cale
profumad'unu fiore,
chi, pro sa
forz'e 1'haer giutt'in sinu,
hat perdidu
profumos e colore.
24.
Mischina!
Ses passada in su camminu
pienu de sa
bruttura maladitta,
chi t'hat
giuttu a finir'a su trainu!
25.
Unu burdu
suendedi sa titta
ti bio gią,
pro ischern'e collunu,
in fronte
giughet fatal'un'iscritta,
chi narat:
«Fizu so de su Comunu».