Beni, dammi
sa manu, isfortunadu,
tue ses dignu de s'istima mia;
lottend'in
d'unu mar'e angustia
custu
virgine cor'has meritadu.
Cantas
bortas pro me has deliradu
sognende
cudda candida Maria,
chi t'est
present'a ti narrer : « Isvia
su dolu, ca
da ipsa ses amadu».
Eo so cudda
ch'amas, caru fiore,
ch'abbandono
ridente su jardinu
pro ti
fagher de mene possessore.
Beni duncas,
non vivas in pibinu,
e
fattend'unu sognu de amore,
fritti sa
test'in s'amorosu sinu.