ANIMA NIEDDA

 

1.

Omine venale, tristu e vile,

de cantos peccados has essere reu,

tue giughes de Giudas su fachile.

 

2.

E dogni die nd'ingullis a Deu,

est chi Deus est mortu dae ora

si non, nde l'haias ingullidu intreu.

 

3.

Adamu l'hat tentadu sa colora,

o puru su dimoniu o su serpente,

a tie una grassa servidora

 

4.

una chi nd'has spudoratamente

fatta padrona de segretas giaes

dende su malu esempiu a sa gente.

 

5.

Prima fist'un'isculzu e a ps graes,

como chi ses bestidu 'e santidade

colas comente sas atteras aes.

 

6.

Non vives si non b'hat mortalidade,

prestas dinares su chentu pro chentu:

custas si narant bellas caridades.

 

7.

De onore non tenes sentimentu,

si sonat de agonia una campana

ti faghes lastimosu e ses cuntentu.

 

8.

Faghes s'anzone e ti estis de lana

pro respirare s'ara pis serena

ma sutta de s'ipocrita suttana

 

9.

fintu ses unu lupu, una iena

chi pregas mortes, pestes e promissas

campende subra s'isventura anzena.

 

10.

Amigu de maccacas priorissas

no nde disizzas de bonos buccones :

criat sa pudda e tue naras missas.

 

11.

Dae sos bovos e basa mattones

non ti mancan sas puddas in padedda e in s'ispidu crabittos e anzones.

12.

Pro cussu andas cadredda cadredda

ca ses vivende cun sa trassa mala,

faccia de fune, anima niedda.

 

13.

Cristos mortu cun sa rughe a pala,

hat preigadu isculzu in su desertu:

tue non cantas si non b'hat isciala.

 

14.

Si morit gente ricca, cussa est certu

chi 1'accumpagnas a sa sepoltura

ispramadu cantende bucc'abertu.

 

15.

Pro su poverittu no has cura

de l'intonare suave unu cantu,

nde 1'interras gasie a fuidura.

 

16.

A narrer da chi ses in campu santu

cun gente morta pienende caffos

non ti mudat sa faccia in su piantu.

 

17.

Sa carotta chi giughes senza baffos

dae corrente manna e brutta l'hasa

est digna de sas ficcas e de ciaffos.

 

18.

Su chi ns oe lu dennegas crasa,

naras a dare pane a su meschinu,

tenes trigu a muntone, non nde dasa,

vile basa mattone assassinu.

 

                                                                                      

per contattarci: corofem@hotmail.com