Post'in
alt'a sa tua capitale
dispensera
de abbas cristallinas,
poetica,
gentile, industriale,
terza de sas
alturas montaninas.
De
cor'aperta, franca e liberale
a su
prugressu curres e camminas:
ses una
zitadedda geniale,
in te s'isprigant sas biddas bighinas.
Onesta tue
travaglias e divignas;
de s'onestade tue andas fiera,
ismentinde de Dante sas iscritas.
Fentomadas sas tuas carapignas
faghent su
giru de s'isul'intera
cunfirmende
sa fama chi meritas.