1.
In brazzos
d'una vida libertina
d'eris
allegramente mi so dadu,
umil'o'a
rizzire sa chijina
eccom'imbenujadu.
2.
D'eris
a'cust'ora fi a cazza
de festas,
maccu e ispensieradu,
oe, cumpuntu
e senza sa carazza,
devotu so
torradu.
3.
Zessad'est
cudda macca cuntierra
de sos festinos c'happo fattu d'eris,
su preid'oe narat: ses de terra,
pulverem reverteris.
4.
Faeddos
misteriosos e fatales
chi ponent
in penseris sa canaglia,
e nos ammentant miseros mortales
chi semus de
terraglia.
5.
Già chi so
terra lasso sas iscialas,
basa
mattones, a coron'in manu,
m'iscri'a
mann'a mann'in mesu palas
Vetro-posa
pianu.
6.
Sos zibos rassos de carrasegare
oe rinnego
tottu, ossos e pulpa,
umile m'est
obbligu rezitare
s'eternu mea culpa.
7.
Caresim'est intrad'e
rigorosa;
penettidu mi
toccat dijunare,
mandighende
fenuju e pigulosa,
arengu e
baccalare.
8,
Suni baranta
dies de dieta
de
mortificazione penitenzia;
su pisch'est permittidu, de sa petta
assolut'astinenzia.
9.
Murena,
seppia, triglie minestrones
de basolu, sunt cosas de pappare,
e fattu
fattu duos maccarrones
tantu pro
variare.
10.
Su cundimentu però, ca est vetadu
s'ozzu porchinu, dét esser iscassu,
mancari siat de casu filadu,
ca non est zibu rassu.
11.
Mi tremo
solament'a bi pensare
in díes chi
mancant'enit sa pisca
m'happ'a
bider costrint'a mandigare
carzoff'e
fae frisca.
12.
Ahi vida
penosa! reduidu
como so a
pappare casu e pasta;
foras buffare inu, est proibidu,
si no est de s'Ozasta.
13.
Com'a sa
penitenz'a suffrire
su corpus
dét frittir'ubbidiente;
a
coment'happ'a poder resistire
penso
seriamente.
14.
Però, cun
valuntad'e meda zelu,
no m'happ'a
dar'in brazzos'a su famene,
ca est
nient'a si perder su chelu
pro una
fitt'e salamene.
15.
Baranta dies
mannas casca casca,
e tue preide
preigas : non pecches.
Ma si benit
sa bella die'e Pasca
ah, tando
non mi secches!
16.
Pro com'isto
cumpunt'a dilighenzia
rezito
s'attu de contrizione,
e fatto sa
lissia a sa cussenzia
pro sa
cunfessione.
17.
Ca chelzo
cunfessar'ogni peccadu,
s'anima non
dét giugher piùs pesu:
ite
consolazion'esser purgadu
senza su
sal'inglesu!
18.
Anima mia,
si ti ses dannada
dended'in
brazz'a su divertimentu,
tenedi bene
pront'e preparada
pro su
dibattimentu.
19.
Mustradi
senz'alguna pauria,
non timas,
no, su cunfessionale;
cun pagu
pag'astuzi'e furberia
salvamus
saccu e sale.