E PRITE TOTTU CUSTU?

 

1.

E prite tottu custu? Zertamente

Est pro sa macca e vana testa mia.

Superb'e indolente,

chi su mundu fi gai non creia.

 

2.

Sa rughe si ridiat de su zappu,

ca mai happo connott'it'est sudore,

e oe, tontu che nappu,

imbidio s'onestu zappadore.

 

3.

Zappador'in berritta mi disizo;

so famid'e m'abbizo de s'isbagliu,

ma tardu mi nd'abbizo,

non frittit pi¨s s'ischin'a su trivagliu.

 

4.

Trivagliu dae sos bonos riveridu

ma rinnegadu dae sa rughe mia;

sempre l’appo fuidu,

dendem'in brazzos de sa mandronia.

 

5.

So vivid'oziosu, isreguladu

che caddu rude chi non sentit frenu:

s'haia trivagliadu

non haia bisonz'e pan'anzenu.

 

6.

Finalmente, funest'e tropp'in cabadu

de su male sa pag'happo cumprida.

Deus non pagat su sabadu,

ma pagat tottas sas dies de sa chida.

 

7.

Galu sa paga giusta non m'hant dadu,

ca s'ischerant su male c'happo fattu,

dia esser giamadu

s'astr'e su domiciliu coattu.

 

8.

Su vissiu, non curante de s'onore,

hat giogad'a s'anzenu bruttos tiros,

e vile truffadore

mi so fattu cun -pessimos raggiros.

 

9.

Non est chi m'happet salvadu sa malissia

dae sas penas c'happo meritadu,

sol'est ca sa giustissia

hat fatt'assign'in su cavaglieradu.

 

10.

Si dae cussas penas nde so foras,

sa rughe m'est servida pro iscujia,

si no a custas oras

fia carrende sale a testa ruja.

 

11.

Per˛ non poto narrer: źNde so foras

de sas ferradas cabbias de iadros>,

prit'eo timo ancora

de cuntemplare su chel'a quadros.

 

12.

S'enzerat cussu die, passienzia,

rughe buffa, no nelzas ch'est abusu:

tott'est conseguenzia

de su vissiu ch'in me tue has infusu.

 

                                                                                      

per contattarci: corofem@hotmail.com