Pizzinn'ancor'in
custu mundu'e rude
in brazzos a
su vissiu ti ses dadu!
Babbu to' a
iscola t'hat mandadu
sognende in
testa tua una virtude,
ma tue, a
pipp'azzesa, sa salude
ses perdinde, su libr'ismentigadu
has in tottu'e a s'ozi'has cundennadu
sa preziosa
tua gioventude.
Ses
appen'isbucciadu dae s'ou,
e cale
can'isolt'e cadena
a sa ogh'e
su vissiu pones mente.
E non penzas
chi bezzu babbu tou
andat
famid'a zorronad'anzena,
pro ti
mantenner semper istudente.