LAMENTOS DE UNU NOBILE

 

1.

Funesta rughe

chi giutt'a pala,

per omnia secula

ba'in ora mala.

 

2.

In diebus illis

m'has fatt'onore

ma oe ses simbulu

de disonore.

 

3.

Oe unu nobile

chi no hat pane,

senz'arte, faghet

vida_ 'e cane.

 

4.

Senz'impiegu

su cavalleri,

est unu mulu

postu in sumbreri.

 

5.

A pancia buida,

senza sienda,

pappat che ainu

paza in proenda.

 

6.

Deo faeddo

cun cognizione,

ca isco it'est

s'ispiantagione.

 

7.

In illo tempore,

cando tenia

ricchesas, benes

e nobilia,

 

8.

pappai petta,

petta 'e vitellu,

frisca, frischissima

dae su masellu.

 

9.

Oe mi cuntento

de pan'e casu,

cando chi nd'appo,

e binu a rasu.

 

10.

E, tra parentesi,

gai, pro collunu,

mi narant martire

de su digiunu.

 

11.

Ah caros tempos

c'happo connottu!

sezis mudados

in d'unu bottu!

 

12.

In cussos tempos,

in sos festinos

mi sustentai

de puddighinos.

 

13.

Puddas chi rassu

faghiant brou,

dogni manzanu

caff cun ou.

 

14.

Pranzos de gala,

festinos, ballos,

gorbatta bianca

e guantos giallos.

 

15.

Cun sa chiterra

in sas carrellas,

alzai su cantigu

a sas istellas.

 

16.

De notte in festas

semper ischidu

tiriolupedde

de die dormidu.

 

17.

Supervu, a nemos

m'inchinaia,

vantende alteru

sa rughe mia.

 

18.

Oe sa superbia

no est de mundu ;

sos pantalones

non giughent fundu.

 

19.

Sa bacchettina

de sas pis riccas,

s'est cunvertida

in ciappaciccas.

 

20.

S'aneddu d'oro

de calidade,

est in su monte

de piedade.

 

21.

E su rolozu

cun sa cadena,

mil'happo endidu

pro una chena.

 

22.

In cussa chena

funesta e vile,

m'happo giogadu

caddu e fusile.

 

23.

Torrad'a domo

po pis dolore,

m'ido sa visita

de s'esattore.

 

24.

Dendemi titolos

de riccu e nobile

mi ettat in cara:

ricchezza mobile.

25.

Eo li rispundo

in tonu affabile:

ricchesa mobile

miseria stabile.

 

26.

Eh gi! mi narat,

ma cando mai lei,

cavaliere,

poveru gai?

 

27.

Sa peronospora

tottu ha distruttu,

binzas e campos

non dant produttu.

 

28.

Quindi, pazienza

tenzat pro corno,

li naro, ipse

intrat in domo.

 

29.

E a crebagoro

de sa familia

ponet suggellos

a sa mobilia.

 

30.

Sa domo no

est rispettada,

pro mores d'esser

ipotecada.

 

31.

Tottu suggellat,

piattos, bottiglias,

ispidos, trebides,

truddas, graviglias.

 

32.

E provvisteddas

c'haia fattas:

basolu, caule,

zuccas, patatas,

 

33.

lintiza, fae,

 lardu, salamene,

lassende in domo

miseri’e famene.

 

34.

In fines tottu

sequestradu,

eo cun sa rughe

mi so restadu.

 

                                                                                      

per contattarci: corofem@hotmail.com