NINNA NANNA

 

1.

Anninnende Maria s'infantinu

cun sa oghe velada de piantu,

happ'intes'ista nott'a su camminu:

ecco cant'happ'intesu in cussu cantu.

 

2.

Anninnend'a tie

deo pensa su die

chi sognai unu fizu 'e su coro;

gi ti stimo che fizu,

per mi ds fastizu,

ca non ses frutt' 'e s'oggettu ch'adoro.

Menzus non esser nadu

pro ider una mamm'a' cust'istadu.

 

3.

Ah, ses troppu minore!

No ischis su dolore

chi proat custu coro, e i sa fiamma

ch'in ipsu b'est, fatale;

cantu mi faghes male

cando mi donas su lumene 'e mamma.

Si ridente mi bramas,

giamam'isfortunada, si mi giamas.

 

4.

Naschidu ses in luttu,

su latte chi has suttu,

o fizu, est potentissimu velenu.

Si faghes mannu, in laras

ti dnt bider amaras

istillas chi turbant s'animu serenu.

Lizu meu de oro,

lu sento, ma t'allatto contr'a coro.

 

5.

Si non fiast naschidu,

dae cust'ingratu nidu

liberamente leai su olu,

ma tue m'incadenas

in ispinas e penas,

eternamente mi cheres in dolu.

Azzes'est sa fiamma,

ca cheret gai su dover' 'e mamma.

 

6.

Cagliadi, non piangas,

su coro non mi frangas

isventurad'e faghe s'anninnia,

ca su piantu tou

m'ammentat dae nou

sa trista e cumpianta sorte mia.

Menzus non ti nd'ischides

pro connoscher sas penas chi non bides.

 

7.

Si benzerat su die

de ider mort'a mie,

pallid'e sorridente, a pees in porta,

a babbu tou nara:

“A mamma mia cara, babbu, s'amore tou est chi l'hat morta.

Cando m'anninnaiat

mamma a ti narrer custu mi naiat”.

 

                                                                                      

per contattarci: corofem@hotmail.com