NON TI POTO AMARE

 

1.

Giovan', inutilmente

ti ses post'in s'isettu

chi deo benz'a ti pedir'amore.

Ti giuro francamente

chi non ti tenz'affettu,

pro mores c'am'un'atteru fiore.

Si so franche leale

non ti nde parzat male,

n b'hat motiv'e mi tenner rancore.

Sos rancores lassamus :

amigos fimis, amigos restamus.

 

2.

Si non ti pot'amare,

n daredi recreu

comente dias cherrer, bella mia,

nde deves inculpare

solu su coru meu,

chi pro te non ~dimustrat simpatia.

Su cor'uman'est gai,

non si piegat mai:

palpitat cando cheret ips'ebbia.

Deo non lu trattenzo,

ma si non t'amat culpa no'nde tenzo.

 

3.

Sa franchesa perdona,

deo faedd'in cara.

Non ti connosco nisciunu difettu;

ses bella, onest'e bona,

in virtudes ses rara,

puru cun tottu non ti tenz'affettu.

Duncas est tottu vanu

chi tenzas fittianu

iscrittu su lumen me' in s'intellettu.

Pens' 'e ti rassignare

e proa si nde lu podes canzellare.

 

4.

Ti deves figurare

ch'est una visione

su penseri chi firmu has in sa testa;

si no, podes pensare,

chi un'illusione

ti podet esser fatal'e funesta.

Lassa su sentimentu,

a' cust'avvertimentu,

si felize ti cheres, fide presta.

Si penseri non mudas,

de custa passione ti nd'impudas.

 

5.

De amore suspiras,

si presente ti seo,

dae me ti pretendes cunfortada:

cand'in cara mi miras,

non t'abbizas chi deo

non currispund'a sa tua mirada?

Ti fatto visu tostu,

prite non so dispostu

in coro meu a ti dare s'intrada.

Cando miras a mie

cheres azzender fogu cun su nie.

 

6.

Pensa de m'olvidare

e cun serenidade

abbandona s'idea ch'has leadu.

Mi ds cunsiderare

comente unu frade,

non comente su tou innamoradu.

Allegra ds istare,

ca non t'hat a mancare

cuddu chi t'hat sa sorte destinadu,

pro su cale unu die

ds olvidare ch'has connott'a mie.

7.

Ogn'affann', ogni    pena

comente benit passat

gai hat decretadu     sa natura.

Puru cussa cadena

ch'in paghe non ti lassat,

benit a si truncare, ista segura.

Un'atteru fiore

t'hat a pedir'amore,

de me no nd'has       a fagher pis cura,

anzis, allegramente,

mi ds ismentigare totalmente.

 

8.

Como t'happ'avvisadu

chi non ti tenz'amore,

pro ca tenz'in su      cor'attera rosa.

Si francu so istadu

no mi uses rancore,

anzis nde ds andar'orgogliosa

de tenner unu frade,

chi, cun sinceridade,

t'est istadu fidel'in dogni cosa.

Sighimus s'amistade,

ma, s'intendet, comente sorr'e frade.

 

                                                                                      

per contattarci: corofem@hotmail.com