SERENADA

 

Aizz'aizz' arrustida

tue ses modde bistecca,

tue ses pro me busecca,

sa piùs bene cundida,

ses taccula saborida,

mustarda grassa e purpuda,

ses una gioga minuda,

un'iscarzoffa, un'olia,

una vera trattalia

pro fagher buffare mustu.

Cosa piùs bella 'e custu

no nde poto disizare.

 

Pensa, bella, a t'ingrassare,

dormi tranquilla e cuntenta,

faghe sognos de pulenta,

de basolu e de patata.

 

Custa bella serenata

l'hat fatta s'amante tou ;

amadu caffè con ou,

pensa de ti riposare.

 

                                                                                      

per contattarci: corofem@hotmail.com